CAGAYAN DE ORO CITY-Malangkat sa ilang mga trabaho ug posibleng mabalhin sa laing lugar ang mga pulis nga inotil pagtuman sa gitahas kanila nga trabaho dinhi sa syudad.
Gihimo ni acting City Police Director Sr/Supt Nelson Aganon ang pahayag human madismaya sa pagka-lousy sa walo ka pulis sa Cogon Police Station dihang nasapon niini atol sa surprise inspection ning semanaha.
Miingon si Aganon nga dili angay magtinapulan ang mga pulis kay giusbawan na ang ilang mga suhulan aron mahimong ganado pa sa mga trabaho niini.
Samtang gipanganti ni Cogon Police Station commander C/Insp Harvey Abellanosa nga dili na masubli ang kasaypanan sa iyang mga pulis sa standard operating procedures sa PNP.
Gihimo ni Abellanosa ang saad dihang wala kini malakip pagtangtang ni Aganon
tungod sa pakyas pagsunod sa gabayan sa ilang trabaho.
Miingon si Abellanosa nga dili suliran kaniya ang mahulipan apan nagpasalamat gihapon kini nga gisaligan siya ni Aganon nga panguluhan ang Cogon Police Station ning syudad.
