CAGAYAN DE ORO CITY-Kasuhan sa Commission on Elections o Comelec kadtong mga kandidato nga
nakahimo’g daghang kasupakan sa balaod sa piliay.
Gihimo ni Comelec regional director Atty Reynato Magbutay ang pahayag tungod sa pagka-dismaya may mga kandidato nga nagpataka na lamang sa pagpamutang sa election campaign materials ilabina dinhi sa syudad.
Miingon si Magbutay nga kon padayong supakon sa mga kandidato ang gisitar nga common posting area sa election materials,kasuhan nila kini aron ma-disqualify ug mabilanggo sulod sa unom ka tuig.
Daghang tarpulin ug streamers ang nakompiskar sa task force baklas dihang mituyok sila sa syudad kagahapong adlawa.
