CAGAYAN DE ORO CITY-Gipasalig sa Commission on Elections o Comelec-10 nga dili na masubli magkagubot ang mga magtutudlo sa pag-claim sa ilang payment honorarium sa Brgy ug SK elections sa Mayo 4 ning tuiga.
Gihimo ni Comelec regional director Atty Reynato Magbutay ang pasalig nunot sa nahitabo kaniadto nga nalangan ang honorarium release sa mga magtutudlo nga nag-serve sa 2016 presidential elections.
Miingon si Magbutay nga gisulod na sa cashcards ang honorarium samtang ang ubang direkta ihatag sa election officer sa board of election tellers paghuman sa ilang trabaho.
Samtang dili na angay pahimangnuan ang kapolisan aron mahimong hapsay ug malinawon ang piliay ning tuiga.
Kini human personal nga gipadumduman ni City Mayor Oscar Moreno si acting City Police Director Sr/Supt Nelson Aganon sa tahas nila pagmintinar sa kahusay sa piliay.
Miingon si Aganon nga gihimo na sa ilang mga sakop ang angay buhaton mamintinar lamang ang tinood, hapsay, kredibli ug katoohan nga resulta sa eleksyon sa 80 ka brgy sa dakbayan.
