CAGAYAN DE ORO CITY-Nabalaka ang pipila ka abogado sa Intergrated Bar of the Philippines o IBP-Misamis Oriental -CdeO chapter nga dugang chief justice ang mangalangkat sa ilang katungdanan sa korte suprema.
Kini human gihukman sa walo ka associate justices nga tangtangon si chief Justice Maria Lourdes Sereno subay sa quo warranto petition giduso ni Solicitor General Jose Calida sa korte.
Miingon si IBP-MisOr-CdeO chapter president Atty Ed Cuaresma nga mas maayo nga napalagpot si Sereno pinaagi sa impeachment conviction ug dili sa pinaagi sa pag-kuwestiyon sa qualification niini sa pagka-chief justice.
Samtang trabaho sa naglingkog nga presidente ang pagtudlo sa qualified nga chief justice aron mangulo sa dugang 14 ka mahistrado sulod sa korte suprema.
Kini ang pahayag ni RTC Branch 25 Judge Arthur Abudiente agi’g paghupay nga mahitabo sa sunod nga chief justice ang pagpapha kang Sereno gamit ang quo warranto petition inay impeachment conviction sa kongreso.
Miingon si Abudiente nga dili ka-respetuan si Sereno sa kauban niyang mga mahistrado ug mismong mga empleyado sa korte suprema hinungdan nga napadali ang pagpapha kaniya sa puwesto.
Gitin-aw ni Abudiente nga dili makaapektar sa trabaho sa hudikatura ang pagkawala ni Sereno kay personal niya kini nga atraso ug dili korte suprema.
