CAGAYAN DE ORO CITY-Gimanduan ni Presidente Rodrigo Duterte ang PNP nga isiguro nga mamintinar ang luwas ug limpyo nga Barangay ug Sangguniang Kabataan Elections sa nasud ning adlawa.
Kini ang direktiba ni PNP Chief Director General Oscar Albayalde gikan kang Duterte nunot sa kasamtangang piliay sa 41-mil 948 ka barangay nga gilauman dagsaon sa 57 milyon,378-mil 380 ka rehistradong botante.
Gibutyag ni Albayalde nga masulayan sa laing higayon ang kalig-on sa pagpatuman sa security implementation rason nga gipasiguro niini sa ground troops nga bantayan ang mga lugar nga dunay init nga political rivalvries.
Gibaharan usab sa heneral ang tanang pulis nga dili magpagamit sa mga politiko aron paboran lamang ang pipila ka kandidato.
Miingon si Albayalde nga naghulat na ang paglangkat sa puwesto batok sa mga pulis nga makasupak sa kamanduan bisan pa nga paborito kini sa local chief executive officials diin sila nadestino nga lugar.
Gipaniguro usab sa opisyal nga nakaabot na ang 160-mil ka police force ang ilang meal allowance masiguro lamang mabantayan ang dagan sa piliay.
Dumduman nga unang giduaw ni Albayalde ang regional offices sa Mindanao aron makigita sa tropa ug ipaabot ang mando ni Duterte diin ulahi niya gibisita ang PNP-Northern Mindanao at PNP-ARMM sa Camp Alagar sa syudad sa miaging semana.
