CAGAYAN DE ORO CITY-Gitumbok sa pamilyang Zafra nga grupo ni kanhi Malanang Brgy Kapitan Seno Dragon nga utok pag-ambush patay kang Eliezer Zafra sa lungsod sa Opol,Misamis Oriental sa miaging gabii.
Kini human nabati sa pamilyang Zafra ang testimonya sa pipila ka testigo diin nagtumbok kang Dragon nga mibanhig sa convoy ni Zafra kuyog ang iyang kapikas nga si Nilda Zafra.
Miingon ang igsoon ni Eliezer nga si Joseph Zafra nga wala’y lain nila nga itumbok sa kremin gawas kang Dragon nga kabangi nila sa politika.
Nangayo’g hustisya ag pamilyang Zafra sa gobierno batok sa gidangatan sa ilang pamilya.
Samtang giakusahan ni Dragon nga ang grupo sa magtiayong Zafra ang nagpasiugda sa kagubot raso nga natigayon ang sinukliay sa mga bala sa bukirang bahin sa Opol,Misamis Oriental.
Kini sukwahi sa pasangil sa pamilyang Zafra nga grupo ni Dragon ang mi-ambush niini hinungdan sa kamatayon ni Eliezer ug pagka-angol usab sa iyang kapikas nga si Nilda.
Miingon si Dragon nga igo lamang sila nag-responde sa hitabo hinungdan nga boluntaryo kining mitahan aron limpiyohan ang pangalan niini.
Kasuhan si Dragon ug ang mga kauban niini sa murder sa piskalya ning adlawa
