CAGAYAN DE ORO CITY-Dili makalingkod ang 80 ka kandidato pagka-sangguniang kabataan o SK bisan kon sila midaug sa Mayo 14 nga piliay dinhi sa rehiyon.
Kini human kasuhi ang maong mga kandidato gumikan sa ilang kasupakan sa pipila ka probisyon sa bag-ong SK reform law.
Miingon si Comelec regional director Atty Reynato Magbutay nga sagad sa nasupak sa maong mga kandidato ang rekisito nga 18 ngadto 24 nga pangidaron aron matugutan pagpapili sa piliay.
Sa sa 80 ka gikasuhan,12 niini ang naggikan mismo dinhi sa syudad.
Samtang imbestigaran sa Comelec ang dose ka reklamo sa giingong ‘vote buying ug selling” nga natigayon sa Brgy ug SK elections sa rehiyon.
Kini human direkta gipaabot sa mga reklamante ang reklamo sa hotline 8888 ni Pres Rodrigo Duterte.
Miingon si Comelec regional director Atty Reynato Magbutay nga giawhag niini ang mga reklamante nga andamon ang mga ebedensiya aron makasuhan sa korte ang mga kandidato nga naghimo sa maong kremin.
Pagka-priso sa unom ka tuig ang silot batok sa tawong makalapas sa article 261 paragraph A sa Omnibus Election
Code.
