CAGAYAN DE ORO CITY-Nanawagan si ARMM 1st District Assemblyman Zia Alonto Adiong nga angayang palig-unon pa ang relasyon sa mga Muslim ug Kristyanos.
Siya miingon nga usa sa ilang natun-an sa nahitabong Marawi siege nga kinahanglang palamboon pa ang panaghiusa, respeto ug pagsinabtanay sa usa’g usa.
Asoy pa niini nga sa nahitabong kagubot sa ilang lugar, dili niini malimtan ang kooperasyon sa mga Kristiyanos pinaagi sa pagtunol ug mga hinabang sa mga apektadong Maranao.
Samtang nagtoo usab si MILF vice chairman for political affairs Ghadzali Jaafar nga dili angayang e-selebrar ang pagdumdom sa 1st anniversary sa Marawi Siege sa Mayo 23 ning tuiga.
Matud ni Jaafar nga nagbilin sa grabeng kadaut sa mga Maranao-Muslim ang maong panghitabo tungod lamang sa mga sayop nga pagtoo.
Dugtong niini, giawhag ni Jaafar ang Muslim ug Kristyanos nga magtinabangay aron dili na subli pang mahitabo ang Marawi siege.
