CAGAYAN DE ORO CITY-Giporma ni PNP regional director C/Supt Timoteo Pacleb ang Special Investigation Task Group o SITG aron mag-imbestigar sa pag-ambush kang Pantao Ragat Mayor Lacson Lantud sa Brgy Cabasagan,Lanao del Norte kagahapon sa buntag.
Kini human nag-resulta sa kamatayon sa upat ka tawo diin naglakip sa pulis,brgy kapitan elect ug laing duha ka sibilyan ang hitabo.
Gibutyag ni PNP regional spokesperson Supt Lemuel Gonda nga target sa 10 ka armadong tawo si Lantud apan maayo na
lamang kay wala kini maigo sa mga bala.
Dead on the spot sila si Khalic Disamburon ug nagpangala’g ”Tarapas” samtang dead on arrival sa Balo-i Provincial Hospital si PO1 Mahid Macalaba ug si Casanuding Hasim sa Adventist Medical Center sa Iligan City.
Samtang samaron sila si PO1 Hamza A Mangonte,Kag Acmad Magomnang ug Farmon Macarimbang.Una niini,gisusi nila ni
Lantud ang road ug electrification projects sa maong brgy sakay sa Toyota Pick-up Hi-lux dihang natigayon ang ambush kagahapon sa buntag.
Samtang gikompirmar ni Lantud nga ‘rido’ ang motibo sa pagbanhig sa iyang grupo sa Lanao del Norte kagahapong
adlawa.
Miingon si Lantud nga iya nang gitug-an sa kapolisan ug militar ang posibleng responsable sa pagbanhig kanila.
Nagpadayon karon manhunt operation sa kapolisan ug militar batok sa mga aramdong tawong mibanhig sa grupo ni Lantud.
