CAGAYAN DE ORO CITY-Magbaton sa dakong kausaban ang hulagway sa Marawi City sa oras nga kini ipaubos na sa rehabilitasyon sa Hunyo ning tuiga.
Kini ang gibutyag ni Marawi City Mayor Majul Gandamra samtang gitakda nila lab-ason ang ngilngig nga hitabo sa Maranao-Muslims dihang giatake sa grupong Maute-ISIS niadtong Mayo 23,2017.
Miingon si Gandamra nga kabahin sa dili niini malimtan ang pag-depensa nila sa city hall nga tuyo ilogon sa mga terorista aron ipatindog ang bandila sa ISIS.
Pag-ampo ang idalit nila sa pagdumdom sa unang tuig sa hitabo ugmang adlawa.
