CAGAYAN DE ORO CITY-Nabawi sa joint BIR-PNP-10 ug CIDG Caraga operations ang inisyal nga balor 30 milyon pesos nga mga sigarilyo ug mga tambal sa sunod-sunod nga pagronda sa mga warehouse sa Brgy Cugman ning syudad ug Villanueva,Misamis Oriental kagahapong adlawa.
Kini human gitahasan si BIR revenue head officer Sunny Advincula Jr nga sudlon ang warehouse nga giingong gipanag-iya sa pamilyang Lim sa duha ka lugar sa Brgy Cugman ning syudad.
Gilusob usab sa maong grupo ang laing warehouse nga nahimutang sa lungsod sa Villanueva ning lalawigan.Kabahin sa nakuha ang lain-laing klase sa mga sigarilyo sama sa Philip Morris,Fortune,Marvels ug Mighty.
Nakompiskar usab ang cigarettes ingredients ingon man ang 15 ka makina s paghimo’g mga sigarilyo.
Kabahin sa imbestigaran ang mga negosyanteng Taiwanese nga sila si Wang Jung Shun;Wang See Shen ug laing duha ka nag-apelyido’g Chua.
