CAGAYAN DE ORO CITY-Pahugtan sa kapolisan ang pagsumpo sa mga tawo nga nagbaton sa mga armas nga usahay magamit sa paghimo’g dagkong kremin sa syudad.
Gihimo ni Cagayan de Oro City Police Office o COCPO spokesperson Supt Mardi Hortillosa ang pasalig dihang gipusil-patay ang market vendor sa Brgy 34 ning syudad kagabii.
Miingon si Hortillosa nga gipatun-an pag-balik ni City Police Director Sr Supt Nelson Aganon ang anti-criminality campaign sa kapolisan aron masita ang mga tawo nga naghupot sa mga armas nga ilegal.
Si Faisal Noron, 34 anyos nga taga-Lanao del Norte ang gipusil gamit ang 45 nga armas ni Ambog Sarip sa wala mabutyag nga hinungdan sa maong brgy ning syudad kagabii.
