CAGAYAN DE ORO CITY-Kasuhan sa pagbaligya’g paghupot sa gidiling droga ang mag-uyab nga pulis ug babayeng negosyante nga nasikop sa PDEA-10 sa Purok 5, Barangay San Roque, Ozamiz City, Misamis Occidental.
Kini human nakuhaan sa pito ka dagkong putos ug laing 11 ka small sachets sa suspected shabu si Raulitte Cortez kauban si PO1 Juvanie Pacatang mismo sa ilang pinuy-anan sa maong syudad sa miaging adlaw.
Miingon si PDEA regional director Wilkins Villanueva nga gawas sa celphones, nakuhaan usab sa kalibre 45 nga armas kauban ang mga bala ug mga ”kaang” nga gagmay si Cortez nga gitoohang gitamnan sa ilegal nga drogang marijuana.
Apan gihimakak ni Cortez ug Pacatang ang pasangil sa PDEA nga sila nakuhaa’g ilegal nga droga.
Si Cortez ang negosyante sa RTWs ug botique sa maong dakbayan.
