CAGAYAN DE ORO CITY-Dead on arrival ang market vendor human pusila sa suspek sa pagpamusil diha sa Yacapin-Osmenia Streets,Brgy 34 ning syudad kagabii.
Giila ni Cogon Police Station commander C/Insp Harvey Abellanosa nga si Faisal Noron,34 anyos ug lumad taga- Salvador,Lanao del Norte.
Nakaangkon sa usa ka igo ang dughan sa biktima human pusila gamit ang gitoohang kalibre 45 sa suspek nga si Ambog Sarip nga temporaryong nagpuyo sa Brgy 34 sa syudad.
Gilayong mihimo’g follow up operation sila si Abellanosa diin nakuhaa’g kalibre 38 nga armas ingon man ang balor 20-mil pesos nga gitoohang shabu sulod sa kuwarto ni Sarip.
Apan wala na maabti sa kapolisan ang suspek dihang paspas kini nakasibat sa wala matino nga direksyon human sa kremin.
Gitoohang dumot ang motibo ni Sarip pagpusil-patay ngadto kang Noron.
