CAGAYAN DE ORO CITY-Gikalipay nga gikasubo ni Ozamiz City Police Office commander C/Insp Jovie Espenido ang pagkasikop ni kanhi Misamis Occidental board member Ricardo’ Ardot’ Parojinog sa Taiwan.
Miingon si Espenido nga dugay nang nangita kang Parojinog nga nasubo kini kay buhi nga nadakpan si Parojinog kinsa may 5 milyon pesos nga reward money nga patong sa ulo.
Dugang ni Espenido nga bisan niini,nalipay gihapon kini kay aron mahatagan na sa katapusan ang kahadlok sa katawhan sa Ozamiz City.
Samtang angayang mabalhog si kanhi Misamis Occidental board member Ricardo’ Ardot’ Parojinog sa Davao Penal Colony o DAPECOL nga nakabase sa Davao region.
Kini ang gusto ni Espenido nga mahitabo kang Parojinog aron maputla’g impluwensiya nga makahimo’g dugang illegal activities bisan anaa sulod sa prisohan.
Gilikayan ni Espenido nga mahisama si Parojinog sa ubang convicted druglords nga bisan anaa sulod sa New Bilibid Prison apan makahimo gihapo’g illegal drugs transaction sa nasud.
