PC:CdeO’s CIO
CAGAYAN DE ORO CITY-Gikompirmar ni City Mayor Oscar Moreno nga may brgy kapitanes na nga nagdaog sa miaging piliay nga nagsuporta sa iyang mga programa sa dakbayan.
Kini human kabahin si Brgy 17 Chairman Goldmar Ebabacol nga mihurar kang Moreno mismo sa iyang opisina alang sa ikaduhang termino ayha milupad padulong sa Amerika.
Miingon si Moreno nga dili na ikatangila nga daghan sa kapitanes gikan sa laing partido ang mobalhin kay nasabtan nila ang pagdumala niini sa syudad.
Samtang naghurar lamang ug wala mobiya sa grupong Padayong Pilipino si Ebabacol ning syudad.
Kini human unang mikatag ang report nga miambak na si Ebabacol sa Padayon Pilipino aron magpasakop na kang Moreno.
Miingon si Gobernador Bambi Emano nga katungod sa matag-brgy kapitan nga mohurar kang bisan kinsa nga opisyal.
Giklaro ni Emano nga pabiling miembro sa ilang partido si Ebabacol sukwahi sa nagkatag nga mga report.
