CAGAYAN DE ORO CITY-Gisugdan na sa Misamis Oriental General Comprehensive High School o MOGCHS ang konstraksyon sa highrise buildings.
Kini aron makabaton sila sa dugang mga lawak-saringan ug dili na maghu-ot ang 9-mil 500 ka enrollees.
Matud ni MOGCHS school principal Dr Pedro Estanio nga hangtud wala pa mahuman ang konstraksyon sa dugang mga building, pabilin nilang ipatuman ang half-day classes sa mga estudyante.
Samtang gikalipay sa school principal sa East City Central School ang dugang lawak saringan nga gi-donar kanila sa lokal nga kagamhanan sa syudad.
Kini tungod kay dako’g ikatabang sa 4-mil 800 ka estudyante aron ila nang mapatuman ang regular classes.
Matud sa principal nga si Doque Cadindangan nga mapasalamaton kaayo sila sa lokal nga kagamhanan tungod kay nahatagan na’g kasulbaran ang dugay na nilang suliran nga kakulangon sa mga lawak saringan.
