CAGAYAN DE ORO CITY-Gipanganti ni Bangsamoro Islamic Freedom Fighters o BIFF spokesperson Abu Misry Mama nga magpabilin gihapon ang kagubot sa Mindanao taliwala nga mapasar nga balaod ang Bangsamoro Basic Law o BBL.
Siya miingon nga dili sila interesado sa BBL hinungdan nga mibiya sila sa grupo sa Moro Islamic Liberation Front.
Maundang lamang ang kagubot sa Mindanao kun ugaling ihatag kanila ang kagawasan ug mabawi ang teritoryo sa mga Moro.
Gikumpirmar usab ni Mama nga andam siya nga makigtagbo kang Pres Rodrigo Duterte aron mahisgutan ang peacetalks.
Apan gitin-aw niini nga makigkita siya sa presidente sa nasud tungod kay nalatid sa Quran nga kinahanglang atubangon ang kaaway sa hisgutanang pang-kalinaw.
Gani, nakaandam sila sa ilusad nga all-out war ni Pres Duterte tungod kay aduna usab sila’y ikasukol.
