CAGAYAN DE ORO CITY-Gitutukan sa kapolisan ang posibleng anggulo sa gidiling droga ang rason kon nganong gipangpusil ang duha ka mag-agaw samtang sakay sa sakyanan sa Balingasag,Misamis Oriental kagahapon sa hapon.
Giila ni Balingasag Police Station commander Sr/Insp Ismael Gundaya ang mga biktima nga sila si Francis Rapatan nga taga-Kinoguitan ug Ken Topacio nga residente sa Binuangan ning lalawigan.
Sakay sa L300 van ang mga biktima dihang kalit gipusil sa nag-inusarang suspek gamit ang kalibre 45 nga armas.
Naigo sa ulo si Topacio samtang sa bukton usab si Rapatan hinungdan nadala sa Northern Mindanao Medical Center ning syudad.
