CAGAYAN DE ORO CITY-Laraw sa Philippine Drug Enforcement Agency o PDEA-10 nga makigkoordinar kang Ozamiz City Police Office chief CInsp Jovie Espenido sa alegasyon nga adunay kaugalingong laboratoryo sa shabu ang Parojinog Drug Syndicate sa Ozamiz City.
Si PDEA agent Ben Calibre miingon nga ila nang nadunggan ang maong report apan wala sila’y konkretong ebidensya.
Siya miingon nga adunay posibilidad nga tinood ang pahayag ni Espenido ilabina nga lapad ang intelligence monitoring sa kapolisan itandi sa ilang hanay.
