CAGAYAN DE ORO CITY-Wala mahimoot si City administrator ug City Social Welfare and Developmeng Office o CSWD con-current officer Teddy Sabugaa ang pagkasikop sa laing empleyado sa city hall ning syudad.
Giila ang suspek nga si Benjie Anghab Lo-od,38 anyos,minyo ug nagpuyo sa Brgy Balulang sa syudad.
Gika-dismaya ni Sabugaa ang gihimo ni Lo-od bisan sa kusganong mando ni City Mayor Oscar Moreno nga maglikay sa gidiling droga ang mga empleyado sa city hall.
Si Lo-od ang job order o JO nga ubos sa CSWD nga nasikop sa City Drug Enforcement Unit sa buy bust operation sa Brgy Balulang sa syudad sa miaging adlaw.
Samtang ipa-ubos sa inquest proceeding ang duha ka dinakpan sa Cogon Police Station nga gikonsederar isip High Valued Target Level -1 tungod sa pagpamaligya sa shabu ning adlawa sa syudad.
Gibutyag ni SPO2 Marvin Bolanio, chief investigator sa Cogon Police Station nga naila ang mga suspek nga sila si Nohatir Tayabao Mama ug ang iyang minor de edad nga runner, pulos residente sa Sitio Carinogan, Brgy Balulang ning syudad.
Gibutyag ni Bolanio nga kapin P200-mil nga kantidad o 55 gramos nga gitoohang shabu ang nakuha sa posisyon sa mga suspek sa drug buy bust operation sa Brgy Balulang ning syudad.
