PC:Froilan Gallardo
CAGAYAN DE ORO CITY-Gipadumduman ni His Eminence Luis Antonio Cardinal Tagle,Doctor of Divinity (D.D) Bishop Raul Dael nga dili mo-sukwahi sa gitudlong ebanghelasasyon sa simbahang Katolika.
Gihimo ni Tagle ang mensahe atol sa espiscopal ordination ni Dael isip bag-ong obispo sa Tandag City,Surigao del Sur sa San Agustin Cathedral diin gitambungan sa libuang katawhan ning syudad kagahapong adlawa.
Miingon si Tagle nga dunay talagsaong abilidad si Dael apan angay dili kini molayo sa mga panudlo nga unang gihimo ni Kristo sa katawhan.
Samtang emosyonal nga gidawat ni Tandag City Bishop Raul Dael,DD ang hagit ug tahas nga gihatag kaniya ni Pope Francis aron mangulo sa katawhan sa Tandag City,Surigao del Sur.
Kini human natandog pag-ayo si Dael sa kainit sa katawhan nga misaksi sa iyang ordinasyon pagka-obispo ug ika-25 ka tuig usab nga anibersaryo isip pari sa syudad.
Miingon si Dael nga dakong gasa ang iyang pagdawat sa mas dakong tahas nga gisangon kaniya sa simbahan.
