CAGAYAN DE ORO CITY-Gi-depensa ni Provincial board member Fredrick Kho ang unod sa iyang previlege speech diin gituki niini ang giingong ghost employees sulod sa Sangguniang Panlalawigan.
Kini human gilayong miani sa pagsaway ang pahayag ni Kho gikan sa iyang mga kauban.
Miingon si Kho nga gidala niya ang hisgutanan aron maimbestigaran ug malimpyohan ang ngalan sa SP-Misamis Oriental sama kaniadto nga gidudahan ang pipila kanila nga illegal drug users.
Samtang gihimakak sa Sangguniang Panlalawigan sa pagpangulo ni Provincial Vice Gov Joey Pelaez ang pasangil ni Kho nga nagbaton sila’g ‘ghost employees.
Miingon si Pelaez nga gidala ni Kho ang maong isyu nga walay basehan ug puno sa malisya rason nga naguba ang imahen sa lalawigan.
Dugang ni Pelaez nga imposible nga mahitabong dunay ghost employees sulod sa SP ilabina nga moagi sa makuti nga proseso ang mga mahimong empleyado sa kapitolyo probinsyal.
Nasayran nga gilayong nagpalugwa sa pinirmahan nga pahayag ang mayoriya sa SP aron i-kondinar ang giingong i-responsable nga pahayag ni Kho.
