CAGAYAN DE ORO CITY-Detinado sa bilangguan ang amahan nga mi-unay paglugos sa iyang anak sa Barangay Consolacion ning syudad.
Sumala pa sa Barangay Health Worker nga si Marilyn Lincona nga napulo kahigayon nga gilugos sa suspek nga si Eduardo Cobi, 72-anyos, usa ka construction worker ang iyang menor de edad nga anak.
Dugang pa ni Lincona nga sagad gakahitabo ang pagpanglugos kun ugaling makainom o mahubog ang suspek.
Samtang gipanghimakak suspek ang alegasyon nga iyang gilugos ang 9-anyos niyang anak.
Sumala pa sa suspetsado nga halos dili na katindog ang iyang kinatawo tungod sa iyang katigulangon.
Gani, maoy giakusahan niini nga milugos sa iyang anak ang iyang bayaw.
Hisayran nga base sa resulta sa medico legal, nadaut ang kinatawo sa bata ug nasamad.
