CAGAYAN DE ORO CITY-Nasikop sa joint PNP ug PDEA operations ang aktibong punong brgy sa Cabalantian,Manticao,Misamis Oriental.
Kini human gisilbi ang court search warrant batok kang Cabalantian Punong Brgy Marvin Tagalogon tungod sa giingong paghupot niini sa gidiling droga.
Miingon si Sr/Insp Arlyn Ranario,tigpamaba sa Misamis Oriental Provincial Police Office,nakuha gikan sa suspek ang sachet nga dunay sulod sa gitoohang shabu,granada ug upat ka bala sa shotgun.
Si Tagalogon ang giparonda sa PNP ug PDEA kay anaa sa ilang watchlist sa maong lungsod.
Samtang naaresto usab sa kapolisan ang anak sa incumbent brgy kagawad kauban ang laing lalaki diha sa Brgy Cugman sa syudad.
Kini human gilusad sa kapolisan ang anti-illegal drugs buy bust operation sa Zone 3 sa maong brgy.
Giila ni Cugman Police Station commander C/Insp Ian Borinaga ang mga suspek nga sila si Jose Randy Esclamado Jr ug Jonathan Tranggiya nga pulos nagpuyo sa maong lugar.
Miingon si Borinaga nga nakuha gikan sa mga suspek ang singko gramos nga suspected shabu diin gibana-banang balor 6-mil pesos.
Si Jose Randy ang anak ni Cugman Brgy Kag Jose Randy Esclamado Jr diin mismo nakasaksi sa pagkasikop
sa kapolisan kaniya.
