CAGAYAN DE ORO CITY-Gikasuhan sa illegal possession of firearms ug ammunitions ang suspek nga nasikop nga nagpadagan sa gun factory sa Purok 1,Brgy San Antonio,Tubod,Lanao del Norte.
Giila ni PNP regional spokesperson Supt Lemuel Gonda ang suspek nga si Vicente Tejero Lahoylahoy,hingkod ang panuigon ug nagpuyo sa maong lugar.
Miingon si Gonda nga gilusob sa kapolisan ang gun factory subay sa impormasyon nga gipaabot sa mga sibilyan batok suspek.
Kabahin sa nakuha gikan sa arestadong suspek ang tulo ka .22 revolvers;shotgun;duha ka .38 revolvers;.45 pistol;5 ka unit sa unserviceable firearms;14 ka bala;tag-duha ka magazines sa carbine rifle ug caliber .22 revolver.
Nakompiskar usab ang duha ka units sa gunsmith paraphernalia ug walo ka metal rasp file.
