CAGAYAN DE ORO CITY-Gipangita karon sa kapolisan ang suspek pagpatay sa kaugalingon kapuyo sa Brgy Poblacion,Iligan City.
Giila ang biktima nga si Melul Simbajon,32 anyos ug lumad taga-Sampagar,Brgy Damulog,Bukidnon.
Miingon si Iligan City Police Office Director Sr/Supt Leony Roy Ga nga maoy gipangita nila ang suspek nga si Jeffrey Ravidas kinsa gitumbok nga midunggab patay sa kapuyo niini sa maong lugar.
Nadugta nang nakit-an sa mga otoridad ang lawas ni Simbajon diin gitoohang nga dugay na kining gipatay sa suspek.
Subay sa kuhang footage sa CCTV,paspas misibat ang suspek bitbit ang 5 anyos niini nga anak sa mismong adlaw nga nadunggan sa mga silingan nga dunay komosyon sa ilang gisak-an nga pinuy-anan sa miaging mga adlaw.
