CAGAYAN DE ORO CITY-Gikompirmar ni Cagayan de Oro 1st District Cong Rolando ‘Klarex’ Uy nga taud-taod nang gi-negosyar nila si ABC president Kag Alam Lim nga mokuyog sa administrasyon ni City Mayor Oscar Moreno.
Kini human sunod-sunod ang pakigtagbo ni Uy ngadto kang Lim hangtod nga nakahukom nga nakig-kita kang Moreno sa wala pa”y brgy ug sk elections niadtong Mayo 14 ning tuiga.
Miingon si Uy nga gisibog nila ang interes nga si Brgy Carmen Kapitana Lorna Uy nga ipadagan pagka-ABC president tungod sa pagbali ni Lim gikan sa mga Emano.
Samtang mangita’g laing kandidato ang grupo sa Padayon Pilipino aron i-atbang kang Lim.
Miingon si kanhi City Mayor Vicente Emano nga gidawat nila ang pagbiya ni Lim sa ilang grupo.
Si Emano ug Lim ang kapi’g 40 ka tuig nang alyado sa politika hinungdan nga nakurat sila niini.
Una niini,miduol kang Emano si Lim apan giingong wala’y indikasyon nga kini nananghid aron mobiya sa ilang partido.
