CAGAYAN DE ORO CITY-Patay nang nakita sa mga otoridad ang usa ka lalaki nga naglutaw-lutaw sa usa ka suba sa Caballero Compound, Barangay Balulang ning syudad.
Napuno sa pinaakan sa isda ang lawas sa biktima nga si Rosito Junayon, 58-anyos, minyo, taga Biasong,Barangay Macasandig ning syudad sa dihang nakita sa mga residente.
Sa gihimong pakisusi sa Scene of the Crime Operatives pinaagi ni Dr Christian Caballes, iyang nasuta nga walay foul play sa kamatayon sa biktima.
Nahimong emosyonal ang pamilya sa biktima.
Sumala sa asawa sa biktima nga si Emilita Junayon nga ilang gipangita ang iyang bana human kini ma-missing sulod sa duha ka adlaw.
Gibutyag usab niini nga adunay depression ang iyang bana hinungdan nga kalit lamang kini nga molakaw nga walay pananghid.
Asoy ni Junayon nga niadtong Dominggo lamang human sila magsimba milakaw ang iyang bana sa ilang panimalay.
