CAGAYAN DE ORO CITY-Gikasuhan na sa pagbaligya’g gidiling droga ang aktibong miembro sa Bureau of Fire Protection o BFP nga nasikop sa kapolisan sulod sa resort sa Opol,Misamis Oriental.
Giila ni Opol Police Station commander Sr/Insp Dennis Flores ang suspek nga si Charlex Tabamo,33 anyos,ulitawo ug nagpuyo sa Brgy Patag sa syudad.
Miingon si Flores nga wala sa listahan si Tabamo apan nakurat sila kay nakig-transaction kini sa ilang asset nga babaye hinungdan nga napalitan nila’g sachet sa suspected shabu.
Nakompiskar usab gikan kang Tabamo ang pipila ka sachets nga wala na’y sulod sa gidiling droga.Si Tabamo kinsa naka-destino sa BFP-Central Dept diha sa Cogon ning syudad ang ibalhog sa provincial jail tungod sa maong salaod.
