CAGAYAN DE ORO CITY-Prioridad ni Brgy 32 Sangguniang Kabataan o SK chairman John Seno nga ipakusog ang anti-illegal drugs symposiom sa kabarangayan sa syudad.
Gihimo ni Seno ang panganti nunot sa pagkapili niini isip SK federation president sa boto nga 41 batok sa iyang kaatbang nga si Puntod Brgy SK chairman Donna Deloso nga may 33 boto sa ilang piliay sa SEARSOLIN,Masterson Avenue,Brgy Carmen sa syudad kagahapon sa hapon.
Dugang ni Seno kinsa anak ni Brgy 32 Kap Ronald Seno nga aktibo usab ang SK officials sa pag-abag sa peace and order sa syudad.
Samtang gimanduan ni City Mayor Oscar Moreno si City Administrator Teddy Sabugaa nga pangunayan ang patabang sa Sangguniang Kabataan o SK officials nga mahatagan katumanan ang mga programa alang sa kabatan-unan sa syudad.
Gihimo ni Moreno ang pahayag nunot sa pagka-pili ni Brgy 32 SK chairman John Seno isip federation president sa piliay nila kagahapong adlawa.
Miingon si Sabugaa tahas niini nga ihiusa ang kabatan-unan aron mabatukan ang daw ‘dunot’ nga kinaiya sa mga karaang politiko nga dili angay masunod sa bag-ong henerasyon.
Samtang babagan sa Commission on Elections o Comelec ang usa ka kandidato nga subling magpapili sa sunod nga eleksyon kon pakyas makasumiter sa Statement of Contribution and Expenditure o SOCE kagahapong adlawa.
Gibutyag ni Comelec regional director Atty Reynato Magbutay nga wala na’y extension sa filing sa SOCE tungod kay dugay na nilang gipahibalo ug gipaagi pa sa awareness campaign ang pagfile niini.
Namugos si Magbutay nga dili makapamakak ang usa ka kandidato sa pagfile sa iyang SOCE kay susihon kini’g maayo.
