CAGAYAN DE ORO CITY-Kalig-on sa mga ebedensiya ang nakapa-konbikto sa magka-relasyon nga si Australian Peter Gerard Scully ug Pinay partner Carme Ann Alvarez sa unom ka kasong kriminal sa korte sa syudad.
Kini sukwahi sa pagpangugat sa mga abogado ni Scully nga napihig ang katungod niini sa pag-depensa sa kaugalingon sa kasong qualified human trafficking ug rape by sexual assault.
Gibutyag ni Regional State Prosecutor Merlynn Uy nga labihan ka ngilngig ang gihimo ni Scully sa dul-ag 10 ka babayeng menor de edad kauban si Alvarez hinungdan nga sila gi-konbikto sa maong mga kaso kagahapong adlawa.
Gikompirmar usab sa govt prosecutors nga daghang human trafficking cases nga natigayon sa lain-laing mga lugar sa Northern Mindanao.
Kini bisan nahukman nga guilty sila Scully ug Alvarez sa korte .
Miingon si Uy nga kabahin sa dunay mga kaso sa ‘human trafficking case’ ang Iligan City, Bukidnon, Ozamiz City ug mismo sa syudad.
Samtang nakaandam ang Department of Social Welfare and Development o DSWD-10 paghatag pag-abag sa mga menor de edad nga mabiktima sa pagpanglugos ug ubang klase sa abuso sa kababayen-an.
Miingon si DSWD regional spokesperson Charmaigne Tadlas nga partikular nga hataga’g pagtagad nila ang mental, emosyonal ug pinansyal nga ayuda alang sa mga pamilya sa mga biktima.
Gihimo ni Tadlas ang katin-awan nunot sa pagka-konbikto sa mga suspetsadong magka-relasyon.
