PC:Gingoog City PNP
CAGAYAN DE ORO ORO CITY-Gikonsiderar nga sulbad na ang misteryosong pagkawala sa usa ka ginang nga nagsilbing dayo sa Brgy 19,Gingoog City,Misamis Oriental sa tuig 2017.
Gibutyag ni Police Supt. Ariel Philip Pontillas, commander sa Gingoog City Police Station nga nakalot nila ang mga bukog ni Janet Laudicos nga gipatay ug gilubong sa kaipon niini nga si Tirso Cachapero nga pulos nagpuyo sa Bohol.
Miingon si Pontillas nga giangkon sa suspek nga napatay niya ang biktima dihang nasikop kini sa kapolisan sa Butuan City tungod sa kasong child abuse sa Bohol ensakto usa ka tuig ning adlawa.
Gihimo ang pagkalot sa pata’yng lawas ni Laudicos nga sinaksihan sa mga otoridad sa Brgy 19,Gingoog City.
