CAGAYAN DE ORO ORO CITY-Panguluhan ni presidential daughter Davao City Mayor Sara ‘Inday’ Duterte Carpio ang pagpahurar sa 80 ka barangay kapitanes nga bag-o ug nasublian sa posisyon sa Grand Caprice Hotel,Brgy Lapasan sa syudad.
Kini human gidapit ni City Mayor Oscar Moreno si Duterte-Carpio nga motambong sa kalihukan alayon usab sa ika-68 ka tuig nga selebrasyon sa pagkahimong chartered city sa Cagayan de Oro.
Miingon ang political ally ni Moreno nga si Gusa Brgy Kapitan Marlo Tabac nga giimbitar ni Moreno ang tanang alyado ug bisan gikan sa laing political group nga tambungan ang kalihukan sa maong hotel.
Samtang gipangunayan ni kanhi senate president Cagay-anon Sen Koko Pimentel ang subli pagpukaw sa kagikan hangtod nga nahimong highly urbanized city ang Cagayan de Oro diha sa Kiosko Kagawasan.
Kini human giimbitar ni Moreno si Pimentel nga pinasidunggang mamumulong sa ika-68 ka tuig nga pagkahimong syudad sa Cagayan de Oro.
Gibutyag ni Gusa Tabac nga may himoon una nga santos nga misa,sundan sa pagpakayab sa nasudnong bandila ug pakigpulong ni Pimentel ang nahan-ay nga kalihukan ning adlawa.
Mohatag usab sa city annual report si Moreno ayha makigkita kang Duterte-Carpio sa mass oathtaking sa brgy kapitanes sa usa ka hotel ning syudad.
