CAGAYAN DE ORO CITY-Dismayado ang simbahan sa Iglesia Filipina Indipendiente o IFI sa pagbakwi ni Pres Rodrigo Duterte sa iyang saad nga buhian ang peace talks tali sa CPP-NPA-NDF.
Gibutyag ni IFI Bishop Felixberto Calang,kinsa peacetalks observer sa miaging negosasyon nga wala sila ganahi sa pag-usab nga huna huna ni Duterte.
Nagtoo si Calang nga dili angay nga ma-oktaba panagtagbo ilabina nga nagpakita na’g interes ang lideres CPP-NPA-NDF.
Samtang giawhag ni presidential daughter Davao City Mayor Sara ‘Inday’ Duterte- Carpio nga ipakusog pa ang govt military operations batok sa mga kaaway sa nasud.
Kini ang reaksyon ni Duterte-Carpio sa pagsibog ni Duterte sa pakig-sinultihay’g balik sa kalinaw ngadto sa CPP-NPA-NDF.
Miingon si Sara nga kon dili man lamang gihapon mag-resulta sa kaayuhan ang peacetalks,angay igahin na lamang sa govt forces ang ilang kusog aron panalipdan ang seguridad sa publiko batok sa hadla sa kagubot ug terorismo.
Samtang gisuportahan ni Regional Peace and Order Council o RPOC chairman City Mayor Oscar Moreno ang tinguha sa gobierno nga makab-ot ang lahutay nga kalinaw ilabina sa Mindanao.
Kini ang hinungdan nga gi-adaptar sa konseho ang istratehiya nga dako’g tabang aron mahatagan sa igong seguridad ang katawhan bisan sa bangi tali militar batok mga rebeldeng pundok.
Miingon si Moreno nga dili angay pasagdan ang matag-hitabo sa kada-lugar kay maka-apektar gihapon kini sa ubang bahin sa nasud.
