CAGAYAN DE ORO CITY-Nadugangan ang ihap sa sakop sa New People’s Army o NPA nga mitahan sa gobyerno sa probinsya sa Bukidnon.
Bitbit ang iyang M16 rifle, mitahan sa headquarters sa 8th Infantry Battalion si Romel Salimbaon Ahing alyas Tikboy, 20, residente sa Sitio Catablaran, Brgy Canangaan, Cabanglasan, Bukidnon.
Matud ni 8th Infantry Battalion Commanding Officer Lieutenant Colonel Ronald Illana nga maayo kini nga senyales tungod kay naminaw sila sa panawagan ni Pres Rodrigo Duterte.
Dugang pa niini nga nakaandam sila nga dawaton ang mga motahan nga armado bisan unsang orasa tungod kay ilang nasabtan nga biktima lamang sila sa pagpangilad ug sayop nga saad sa CPP-NPA.
