CAGAYAN DE ORO CITY-Matukuran sa dugang balor 17 bilyon pesos nga imprastraktura ang nagkadaiyang bahin sa Northern Mindanao ning tuiga.
Kini human gingusgan ni kanhi Senate President Senador Koko Pimentel nga mahataga’g prioridad ang mga proyekto sa Mindanao.
Gihimo ni Pimentel ang pahayag alayon usab sa tinguha niini nga matuman ang saad ni Pres Rodrigo Duterte nga dili mapasagdan ang katawhan sa Mindanao.
Nasayran nga gibatbat ni Pimentel ang maong kasayuran sa pagsilbi niining dinapit nga mamumulong sa ika-68 ka tuig nga pagka-karta sa syudad sa Cagayan de Oro.
