CAGAYAN DE ORO CITY-Mag-atubang sa patung-patong nga kasong paglapas sa Comprehensive Dangerous Drugs Act of 2002, Anti-carnapping Act ug Republic Act ug Comprehensive Firearms and Ammunition Regulation Act ang sundalo sa piskalya sa syudad ning adlawa.
Kini human sulayi’g ilog ni PFC Keith Jan Aclo,28 anyos,ulitawo nga taga- Easter Samar ang police patrol sa lungsod sa Gitagum,Misamis Oriental sa miaging semana.
Gibutyag ni SPO1 Edwin Maagad,imbestigador sa Gitagum Police Station nga nagka-komosyon pa dihang gusto ipadagan ni Aclo ang ilang police patrol hinungdan nga kini paspas usab gipugngan sa ilang mga kaubanan.
Nakompiskar gikan sa suspek kinsa na-destino sa 63rd IB,Philippine Army ang mga bala sa kalibre 45 ug sachets sa
suspected shabu.
