CAGAYAN DE ORO CITY-Dili na kasuhan sa kapolisan ang motorista nga unang nabanggaan sa hubog nga lalaki nga sakay sa motorsiklo diha sa Kauswagan highway ning syudad.
Kini human gipasalig sa driver nga si Erol Penida nga tubagon ang obligasyong pinansyal sa kamatayon ni Alwin Pamisa nga taga- Bulua sa syudad.
Gibutyag ni PO2 Nico Algabre sa Carmen Police Station nga kusog ang dagan ni Pamisa samtang backride kaniya si Christian Llamis dihang gidumbol niini ang sakyanan nga gimaneho ni Penida.
Nakaangkon sa grabeng bun-og si Pamisa hinungdan sa kamatayon niini.
