CAGAYAN DE ORO CITY-Gisumpo karon sa Presidential Communications Office ang mga bakak nga impormasyon nga nagtinguha pagguba sa mga programa ni Pres Rodrigo Duterte.
Kini pinaagi sa pagpakatag sa fake news aron mahaylo ang katawhan ug dili na motoo maingon man mosuporta sa gobierno.
Miingon si Presidential Communication Secretary Martin Andanar nga kini ang hinungdan nga gilibot nila ang Pilipinas aron ipasabot sa katawhan kon unsaon mabatukan ang fake news nga gisabwag sa mga kontra ni Duterte.
