CAGAYAN DE ORO CITY-Nag-top 2 ang duha ka examinees sa Xavier University College of Nursing sa bag-uhay pa lamang gi-release nga resulta sa Nursing Licensure Examinations o NLE kagabii.
Kini human managsamang nagbaton sa passing grade nga 87.20 percent sila si Andrew Rey Lao del Fierro ug Philip Gabriel Gillegao Gimotea sa maong pasulit nga gihimo sa syudad niadtong Hunyo 3 ug 4 ning tuiga.
Nahuptan usab ni Ellein Jericka Ramos Tong ang top 10 gikan gihapon sa Xavier University sa iyang passing remark nga 85.40 percent.
Samtang anaa usab sa top 4 si Emman Mabilanga Parangue sa Capitol University sa iyang 86.60 percent grade ug no.7 si Novem Grace Bamuya Sombilon gikan sa Mountain View College sa Bukidnon nga dunay 86 percent grade.
Nasayran nga sa 9-mil 873 ka examinees,4-mil 326 kanila ang nagpasar diin no.1 si Mark Tristan Pangilinan Robosa gikan sa University of Pangasinan sa iyang highest grade nga 87.60 percent.
