CAGAYAN DE ORO CITY-Kasuhan sa kapolisan sa reckless imprudence resulting to homicide ang driver sa crane truck nga nabangaan sa pick -up truck sa highway sa Brgy Gusa sa syudad.
Kini human namatay ang empleyado sa DPWH-Misamis Oriental nga si Engr Erfor Manduro, 51 anyos nga taga-Brgy Cugman sa syudad dihang nadumbol sa gisakyan niya nga pick-up ang truck.
Gibutyag ni SPO1 Al Habsi Acmad, traffic investigator sa Agora Police Station nga dunay obligasyon ang driver sa maong crane nga gipanag-iya sa Makati Development Corporation kay tulo ka adlaw nang nagpondo sa highway sa maong lugar.
