CAGAYAN DE ORO CITY-Giawhag ni City Administrator Teddy Sabugaa ang mga motorela operator ug drayber nga kuhaon na ang fare matrix sa City Hall.
Kini isip pagmatood nga legal ang ilang motorela ug maoy basehan aron makapangayo sila sa P7.00 minimum fare.
Siya miingon nga sugdan na nila sunod semana ang pagsikop sa mga motorela nga kolorum ug walay fare matrix.
Nasayran nga nagsumikad ang umento subay usab sa hangyo sa mga operator ug driver tungod sa kamahal na kaayo sa mga palaliton ning panahona.
