CAGAYAN DE ORO CITY-Target sa PDEA-10 nga masikop ang 21 gikan sa 33 ka brgy narco-politicians nga anaa sa listahan nga nangunay pagpayuhot sa ilegal nga droga sa ilang kabarangayan sa rehiyon.
Gihimo ni PDEA regional director Wilkins Villanueva ang kumpirmasyon dihang nasuta nila nga midaug ang maong brgy officials sa piliay sa kabarangayan sa Mayo 14 ning tuiga.
Miingon si Villanueva nga dili una nila isulti sa publiko kon kinsa ang brgy kapitanes apan gipaniguro niini nga masikop sila sulod ning tuiga.
Nasayran nga ang maong mga kapitan ang kabahin sa gatusang pangalan sa barangay narco-politicians nga gilugwa sa PDEA sa miaging Mayo ning tuiga.
