CAGAYAN DE ORO CITY-Giawhag sa Commission on Human Rights o CHR-10 ang publiko nga likayan na lamang ang maglakaw-lakaw ug mag-istandby sa mga pampublikong lugar sa dis-oras sa kagabihon.
Kini aron dili madakpan ug magka-kaso kon malapas ang mga ordinansa nga gipatuman sa brgy ug syudad.
Gihimo ni Vic Aleria sa CHR-10 ang pahimangno tungod sa mando ni Pres Rodrigo Duterte nga ipahipos sa brgy ug police officials ang mga tawo nga nag-instandby nga posibleng makahimo’g kreminalidad sa lain-laing mga rason.
Samtang gipasiguro ni City Mayor Oscar Moreno nga magbaton sa maayong resulta ang implementasyon sa anti-tambay campaign ni Pres Duterte dinhi sa syudad.
Kini human nila gipakusog ang puwersa sa kabarangayan aron maabagan ang kapolisan sa paglimpyo sa mga dautang elemento ilabina sa kagabihon sa dakbayan.
Miingon si Moreno nga tinguha usab niini nga dad-on ang maong mando ni Pres Duterte sa Regional Peace and Order Council o RPOC apan himoong ehemplo ang maayong resulta dinhi sa syudad.
