CAGAYAN DE ORO CITY-Giporma karon ni City Mayor Oscar Moreno ang komitiba nga maoy tahasan sa pagpatuman sa anti- tambay order ni Pres Rodrigo Duterte dinhi sa syudad.
Kini human napasar usab sa konseho ang ordinansa nga nagtukod sa brgy tanod development committee aron mapakusog ang kampanya batok kreminalidad.
Miingon si Moreno nga gawas sa PNP ug DILG,dako’g tabang ang kabarangayan hinungdan nga kabahin ang mga barangay tanod nga mopatuman niini palibot sa syudad.
Samtang gisugdan na sa kapolisan ang pagpatuman sa mando ni Pres Rodrigo Duterte sa paghipos sa mga tawong
magtambay sa nagkadaiyang kalye o lugar sa dis-oras sa gabii.
Gibutyag ni City Police Director Sr Supt Nelson Aganon nga mogamit sila sa ilang mga personahe aron pagsugod na pagpatuman epektibo ning semanaha.
Gipasalig ni Aganon nga tahuron sa mga pulis ang katungod sa mga tawo nga maaktuhan nga i-rikisa alayon sa maong kamanduan.
Nasayran nga sa ubang bahin sa rehiyon,kapin 300 ka tawo na ang nasikop diin ang ubang gipamulta ug ang uban gipahimo sa community service.
Samtang gihagit ni DILG Sec Eduardo Ano ang brgy kapitanes nga dili magsalig sa kapolisan nga sa pagpatuman sa anti-tambay order ni Pres Rodrigo Duterte.
Kini human gibutyag ni Anio nga mismo unta ang brgy officials ang mangunay pagpatuman niini ug mo-suporta lamnang ang kapolisan sa maong lakang.
Dugang ni Ano nga dili dautan pag-tambay sa mga residente apan sikopon ang pipila kanila kon masuta nga dunay nalapas nga balaod o ordinansa sa brgy o syudad.
Subay sa record sa PNP-10,dunay 303 ka tawo na ang nasikop tungod sa kalapasan sa mga ordinansa kabahin sa pag-
tambay sa dis-oras sa gabii.
