CAGAYAN DE ORO CITY-Pagkapriso nga dili mulapas sa upat sa bulan ug multa sugod P500 pataas ang atubangon sa mga estambay nga anaa sa kadalanan sa syudad bisan dis oras na sa gabii.
Kini ang kusganong pahimangno sa kapolisan nga gitahasan ni Pres Rodrigo Duterte pagpatuman sa maong kamanduan.
Gihimo ni Supt Mardi Hortillosa,tigpamaba sa Cagayan de Oro City Police Office o COCPO ang pasidaan nunot sa 58 ka tawo nga ilang nasikop alayon sa pagsupak ordinansa nga pagdili sa inom sa pampublikong lugar sa syudad.
Miingon si Hortillosa nga gawas sa unang 27 nga nasikop,dugang 51 pa usab ang angadakpan sa Cogon Police Station,Carmen Police Station ug Divisoria Police Station dihang gihimo ang magkalahi nga anti- tambay operations sa syudad kagabii.
Una nang gipasalig ni City Police Director Sr/Supt Nelson Aganon nga itahod sa labing taas nga paagi ang katungod sa mga tawo nga masitar sa mga sakop niini.
