CAGAYAN DE ORO CITY-Giila nga milagro sa kontrobersyal nga si USAFFE commander Atty Ely Velez Pamatong ang pag-aksyon sa Korte Suprema sa quo warranto petition batok kang Pres Rodrigo Duterte.
Kini human gusto ni Pamatong nga wad-a’g bili sa korte suprema ang pagsilbing ika-16 nga presidente ni Duterte sa nasud.
Nalipay si Pamatong nga gihataga’g pagtagad ang iyang petition diin nag-kuwestiyon sa qualification ni Duterte aron mahimong presidente sa 2016 elections.
Gimando sa korte suprema kang Duterte nga tubagon ang petisyon nga giduso ni Pamatong batok kaniya.
Si Pamatong ang gi-deklarar nga nuissance presidential candidate sa 2004 elections ug may kasong kriminal sa piskalya human makuha-ig armas ug granada sa ilang headquarters ning syudad.
