CAGAYAN DE ORO CITY-Gipatuman ni City Police Director Sr/Supt Nelson Aganon ang pipila ka bag-uhan sa mga kumander sa upat ka police stations ning syudad.
Kini human giingong tuyo na mosaka’g ranggo ni C/Insp Harvey Abellanosa hinungdan nangayo’g pagtugot kang Aganon nga mahulipan isip kumander sa Cogon Police Station.
Miingon si Supt Mardi Hortillosa,tigpamaba sa Cagayan de Oro City Police Office nga nagpaubos usab sa schooling si Sr/Insp Ramses Cartagena rason nga dunay re-alignment sa puwersa.
Mihulip kang Abellanosa si Sr/Insp Dennis Quindara gikan sa Agora Police Station ning syudad.
Gi-relib usab si Sr/Insp Rey Taboclaon aron mopuli sa gibakante ni Quinadara.
Gitahasan usab ni Aganon si Sr/Insp Bernard Collegio nga panguluhan ang Lumbia Police Station nga gibiyaan ni Taboclaon.
Samtang balik isip commander usab si Sr/Insp Abdul Sumandar sa Macasandig Police Station nga gibakante sa nag-schooling nga si Cartagena.
