CAGAYAN DE ORO CITY-Arestado ang usa sa mga sakop sa dakong sindikato nga nagpalusot sa mga peke nga titulo sa yuta diin sagad mga biktima ang mga negosyante sa Visayas ug Mindanao.
Kini human mihimo’g entrapment operation ang kapolisan hinungdan nasikop sa Capistrano Complex,Brgy Gusa sa syudad.
Giila ni Puerto Police Station commander C/Insp Evan Vinias ang suspek nga si Mary Lou Tupaz,52 anyos,minyo ug nagpuyo sa maong lugar.
Dugang ni Vinias nga gisikop si Tupaz tungod sa pagpatabang sa negosyante nga si Carlos Trayfalgar,hingkod ang panuigon nga nagpuyo usab sa susamang dapit.
Nakompiskar gikan ang suspect ang 20-mil pesos nga salapi ug ang mga peke nga titulo sa mga yuta.
Nabulgar nga balor na sa 20 milyon pesos ang giingong nakuhang kuwarta sa grupo ni Tupaz kang Trayfalgar ingon man sa laing mga biktima nga gikan pa sa Visayas ug Mindanao.
